متغلطش غلطتي يسطا.
وأنت جاي تتعلم برمجة، هتتعلم لغة برمجة بشكل متوسط، وتجمع كام موقع يساعدوك + الـ AI، والمكنة فعلًا هتطلعلك شغل شكله من برّه جامد فشخ، وكأنه متعمل بإيد واحد قاتل في المجال وكل الكلام ده… بس كده أنت مجرد coder، ودي حرفيًا أسهل حاجة على الـ AI، لأنه بقى بيكتب كود بشكل مرعب.
طيب أنا حاليًا بحاول أصلّح الموضوع ده إزاي؟
طالع عيني ومبنامش عمومًا. بقيت بذاكر الحاجات دي على لغة زي JavaScript أو PHP:
OOP
Data Structures & Algorithms
Design Patterns
SOLID Principles
Database
ودي أقل الأساسيات أصلًا، لكن على الأقل بتخليك تفكر كـ Software Engineer، وبتفهم أنت ليه كتبت الكود بالشكل ده، وإيه اللي ممكن يحصل لو مثلًا الويبسايت بقى عليه مليون يوزر مرة واحدة.
فحاول متبقاش بهيم زيّي، واتعلم صح، ومتستعجلش، ومتتغرش، وحاول متتأخرش في إنك تتعلم.
متغلطش غلطتي يسطا.
